Ola a todos/as:
Benvidos/as a este novo curso 2021-2022!
Logo das vacacións de verán, agardamos comezar o curso con ilusión e gañas de afrontar, todas as materias e a Educación Física en especial, a tope.
Neste curso tentaremos recuperar contidose prácticas anteriores a pandemia, sempre que a situación sanitaria o permita.

O Departamento de E.F., continúa impartindo Promoción de Estilos de Vida Saudables, como materia de libre configuración en 2º da ESO.
Máis abaixo tedes, como sempre, un enlace, que empregaremos nos primeiros días de clase para introducirnos nos contidos da materia e ver o que imos traballar. Como son, as normas básicas ou a forma de obter unha calificación positiva.

Como novidade teremos Edixgal en todos os cursos, polo tanto os contidos, materiais e actividades estarán aloxadas no EVA.

Un saúdo a todos/as. En especial ao alumnado que empeza novo!
Enlace: PRESENTACIÓN E.F.

INICIO 3ª AVALIACIÓN

Ola a todos/as: 
Este ano a terceira avaliación será máis longa do habitual, pois normalmente queda máis reducida, pero non será así este ano.
Para esta última avaliación, temos preparadas unha serie de actividades para facer co noso alumnado. En primeiro ciclo, faremos actividade de sendeirismo tanot en 1º da ESO como en 2º da ESO;  e co segundo ciclo, carreiras de orientación, tanto en 3º da ESO como en 4º da ESO. Esto é así por mor de que no curso pasado, como xa é sabido non se puideron facer estas actividades.
Ademáis desto, en 1º da ESO, centrarémonos no  Balonmán e introduciremos o Parkour, en 2º da ESO no Badminton, en 3º da ESO, faremos Campionato de Baloncesto e Xogos Colaborativos, e en 4º da ESO, Shuffle Dance e un campionato de Baloncesto, que tampouco puidemos facer no curso anterior.
Coma sempre, na barra lateral, aparece un apartado, chamado 3ª avaliación, onde atoparedes toda a información necesaria nesta avaliación.
Un saúdo a todos/as.

Ola a todos/as:

Agardando que no 2021 vaiamos recuperando certa normalidade, seguiremos adaptando o noso traballo as recomendacións sanitarias. Para elo, ao igual que na 1ª avaliación faranse certas adaptacións nos contidos, co fin de minimizar os riscos.  Polo tanto,comeza a 2ª Avaliación, na que continuaremos, en todos os cursos, ben con diferentes competicións deportivas, nas que pretendemos potenciar o aprendizaxe cooperativo, así como a asunción de roles dentro do noso equipo, tanto á hora de organizar a competición, como cando somos xogadores/as; ou ben con unidades de mellora da técnica dun deporte, para afrontar con máis éxito o campionato na derradeira avaliación.
En 1º da ESO comezaremos introducindo a U.D. "Campionato do Xogo dos 10 pases", como forma de adentrarnos un poco máis nos deportes colectivos, antes de afrontar, na 3ª Avaliación, o Campionato de Balonmán. Tamén veremos as Danzas do Mundo, nesta avaliación.
En 2º da ESO, teremos unas sesións de mellora da técnica do badminton, para despois, na terceira avaliación, realizar o campionato. Tamén realizaremos a unidade de Introducción ao Aerobíc.
En 3º da ESO, traballaremos a técnica do baloncesto, no mesmo sentido que o badminton en 2º. Tamén faremos a unidade de Introducción ao Aerobíc.
En 4º da ESO, repartiermos o traballo entre o Campionato de Touch e a unidade de Ioga.
En PEVS, a avaliación está adicada completamente aos hábitos alimenticios.
Lembrade que na barra lateral, no apartado 2ª Avaliación, tedes toda a información referida os contidos, traballos, exames, etc, do voso curso, nesta avaliación.
Saúdos.

 Ola a todos/as:
Benvidos/as a este novo curso 2020-2021!

Logo deste longo período de ausencia, imos retomar as clases presenciais e como imaxinades con bastantes cambios e medidas de seguridade. Ainda así,imos continuar co traballo que iniciamos no ano anterior, para consolidar contidos e metodoloxías, que tiveron unha boa aceptación e funcionamento.
O Departamento de E.F., continúa impartindo Promoción de Estilos de Vida Saudables, como materia de libre configuración en 2º da ESO.
Máis abaixo tedes, como sempre, un enlace, que empregaremos nos primeiros días de clase para introducirnos nos contidos da materia e ver o que imos traballar. Como son, as normas básicas ou a forma de obter unha calificación positiva.
Como ben sendo habitual, animamos a todo o mundo, non só alumnado, a visitar este blog e os seus contidos.
Un saúdo a todos/as. En especial ao alumnado que empeza novo!
Enlace: PRESENTACIÓN E.F.

INICIO DA TERCEIRA AVALIACIÓN (Actualizado)

Hola a todos e todas:

En primeiro lugar agardamos, como sempre, que esteades ben, tanto vós, como as vosas familias. En segundo lugar, explicar como traballaremos nesta terceira avaliación:

1. A nota da 2ª avaliación será a que levedes ao final do curso:
• Como sabedes nesta materia a avaliación e continua e diaria, ademáis as sesións son maiormente prácticas. No contexto actual, non podemos garantir a igualdade de oportunidades para todos, polo tanto, damos o curso por rematado. Esto supón que non veremos contidos novos.
2. Proporemos 2 actividades semanais, unha NON AVALIABLE e outra AVALIABLE.
• As NON AVALIABLES, son voluntarias e de reforzo. Non tedes que enviar nada que demostre que as estades a facer. Serán propostas de actividades para facer Actividade Física.

• As AVALIABLES, deberán ser entregadas nos prazos e condicións establecidas:
• Servirán para subir nota: poderedes subir a vosa nota final, nun máximo de 1 punto, con respecto a que tedes a día de hoxe.
• Non son obrigatorias: Se non se fan, quedaredes coa nota que tedes a día de hoxe.

Para a semana comenzaremos coa 3ª avaliación:

•  Daremosvos acceso ao Classroom (2º, 3º e 4º da eso) e farei visibles as primeiras actividades no EVA (1º da eso).
• Presetaremos a temporalización das actividades por cursos (neste mesmo blog)
• Comenzaremos co traballo, quen o queira facer.

Saúde para todos/as.

Un saúdo.

PROPOSTA DE ACTIVIDADES PARA ESTOS DÍAS.

Hola a todos e todas.

Ante todo espero que esteades en perfecto estado e, dende o Departamento de Educación Física, agardamos que estas semanas pasen da mellor maneira posible.
Sabemos que os nosos compañeiros/as de outros departamentos vos están a enviar traballo. É importante que xestionedes correctamente todo o tempo que tedes. Dende aquí non vos imos a pedir que fagades ningún tipo de traballo teórico, pretendemos, por contra, incentivar a práctica de actividade física nesta situación tan complexa. Para elo enviaremos semanalmente e para cada curso, diferentes propostas de actividades. Evidentemente, non serán avaliables, pero si agardamos que sexan do voso agrado e que vos animedes a participar nelas.
As actividades serán colgadas, por cursos na barra lateral. Habilitarase unha pestana, similar as de 1ª ou 2ª avaliación, para que poidades acceder ás mesmas.
Para calquera dúbida podedes contactar no seguinte correo: diegocalvino@cpiaxunqueira.com.
Moito ánimo, saúde e sorte para todos e todas.
Un saúdo.

INICIO 2º AVALIACIÓN

Feliz Ano a todos/as:


Comeza a 2ª Avaliación, na que continuaremos, en todos os cursos, ben con diferentes competicións deportivas, nas que pretendemos potenciar o aprendizaxe cooperativo, así como a asunción de roles dentro do noso equipo, tanto á hora de organizar a competición, como cando somos xogadores/as; ou ben con unidades de mellora da técnica dun deporte, para afrontar con máis éxito o campionato na derradeira avaliación.
En 1º da ESO comezaremos introducindo a U.D. "Campionato do Xogo dos 10 pases", como forma de adentrarnos un poco máis nos deportes colectivos, antes de afrontar, na 3ª Avaliación, o Campionato de Balonmán. Tamén veremos as Danzas do Mundo, nesta avaliación.
En 2º da ESO, teremos unas sesións de mellora da técnica do badminton, para despois, na terceira avaliación, realizar o campionato. Tamén realizaremos a unidade de Bailes de salón.
En 3º da ESO, traballaremos a técnica do baloncesto, no mesmo sentido que o badminton en 2º. Tamén faremos Acrosport, traballando por parellas.
En 4º da ESO, onde veremos a segunda parte de Acrosport, esta vez facendo unha coreografía grupal. O deporte será o voleibol e  traballaremos aspectos técnicos para a súa mellora e así, na 3º avaliación facer un campionato.
En PEVS, a avaliación está adicada completamente aos hábitos alimenticios.
Lembrade que na barra lateral, no apartado 2ª Avaliación, tedes toda a información referida os contidos, traballos, exames, etc, do voso curso, nesta avaliación.
Saúdos.